Sidrería Zelaia Sagardotegia

Reproducir

Gure sagardoa

Elaborazio bideoa

Itxi
  • BIRRAITONA

    1906

    Jose Antonio birraitona, nekazaria zen, eta etxerako sagardoa egiten hasi zen baserriaren beheko solairuan. Orduan hasi zen Gaincerain sendiaren sagardomunduko tradizio eta jakintza.

    BIRRAITONA
  • Aitona

    1942

    Joaquin Gaincerain aitona sagardo gehiago ekoizten hasi zen, eta lehenengo bisita txartela ere egin zuen saltzen hasteko.

    Aitona
  • J.A.GAINCERAIN-en HASIERAK

    1970/82

    Aita, Jose Antonio Gaincerain, 70. hamarkadan hasi zen sagardo munduan, baina 82. urtean jarri zuten enpresa bere izenean.

    J.A.GAINCERAIN-en HASIERAK
  • BIRMOLDAKETA TEKNOLOGIKOA

    1974

    J.A.Gaincerainek inbertsio handia egin eta upategia handitu zuen, egurrezko kupel berriak eta lehenengo BIGMAN botilaratze makina jarriz.

    BIRMOLDAKETA TEKNOLOGIKOA
  • SAGARDO BOTILA

    1984

    Urte hau garrantzitsua izan zen sagardo munduan, botila mota berri bat diseinatu, garatu eta patentatu zelako ("modelo sagardoa") produktua bereizteko. Ordura arte botila mota ezberdinak erabiltzen ziren (ardo edo champagne botilak nagusiki).

    SAGARDO BOTILA
  • “TALDEA”n SORRRERA

    1985

    "Taldea" elkarte berria sortu zuten Zapiain, Mina, Borda eta Zelaia sagardotegiek, sagarraren eta sagardoaren aldeko helburu komunak lortzeko.

    “TALDEA”n SORRRERA
  • ETIKETATZAILEA

    1986

    Botila aldatu eta urte gutxira, botilak etiketatzen hasi ziren botilaratze prosezuan.

    ETIKETATZAILEA
  • TXOTX-eko JANTOKIAREN ZABALKUNTZA

    1987/88

    Garai honetan upategiaren zabalkuntzan egin zen inbertsioa, txotx denboraldirako jantokia eta sukaldea hobetuz. Bestalde, bi prentsa hidrauliko eta botilaratze makinaria berria ere erosi ziren.

    TXOTX-eko JANTOKIAREN ZABALKUNTZA
  • Prentsak

    1995

    Prentsa hidraulikoak baztertu, eta neumatikoak jarri ziren, eta sagardo lanketarako makinaria birmoldatu zen pixkanaka (bonboa, aukeratze mahaia, matxaka, bonbak, depositoak…)

    Prentsak
  • ERAIKUNTZA

    2003

    Hasierako upategiaren eraikina bota (enpresaren eraikitako azaleraren 20%) eta gaur egungo eraikin modernoa egin genuen. Bertan, botilak garbitzeko makina, botilaratze instalazioak, bulegoa, komunak eta 60.000 litrotako upeltegia dauzkagu gaur egun.

    ERAIKUNTZA
  • SAGASTI BERRIA

    2009

    Sagasti berri batean inbertitu genuen Baztan inguruan (Nafarroako iparraldean), beste sagardotegi batekin batera, eta 7 hektareatako lurretan 4.359 sagarrondo landatu genituen bertako sagar motekin: Urtebi Txiki, Urte Haundi eta Txalaka besteen artean.

    SAGASTI BERRIA
  • GORENAK KALITATE ZIGILUAREN SORRERA

    2011

    13 sagardotegi ezagunek aurrerapauso handia eman zuten elkarrekin, kalitate goreneko sagardoak lortzeko. Horretarako, trazabilitate sistema bat eta kalitate-araua zehatzak ezarri zituzten, baita haiek betetzeko konpromisoa hartu ere.

    Euskal Herriko Sagardo Gorenak
    GORENAK KALITATE ZIGILUAREN SORRERA
  • 4. BELAUNALDIA

    2013

    J.A.Gaincerainek bere bizitzan urrats garrantsitzua ematea erabaki, eta bere hiru alabei pasa zien Zelaiako ardura, Oihana, Maialen eta Jaioneri.

    4. BELAUNALDIA
  • 1. Klima eta bilketa

    Sagardoa lantzerakoan, sagar mota ezberdinak egoki aukeratu eta nahastea da Zelaiaren sekretua, beti ere bertako sagarrei lehentasuna emanez.

    Sagarra sagardoaren funtsezko oinarria izanda, sagar-mota bakoitzaren ezaugarri ezberdinak ezagutu behar dira, lortu nahi dugun muztioaren araberako sagar motak aukeratu ahal izateko. Faktore asko eta askotarikoak dira sagarraren ezaugarriei eragiten dienak, baina garrantzitsuenak dira: arbolaren mantenua, sagarraren heldutasun puntu egokiak, osasun egoera, bilketa eta garraioa.

    Xehetasun txiki guzti-guztiak eta une bakoitza zainduz lantzen dugu sagardoa, bere onenean goza dezazuen.

  • 2. Sagar bilketa, garbiketa, txikitzea eta estutzea

    Sagarra upategira iristsitakoan, haren ezaugarri fisiko-kimikoak aztertzen dira (sagar mota, heldutasuna eta osasun egoera), gero sagarraren garbiketarekin hasteko. Sagarrak urarekin garbituz, bonbo birakarari batera garraitzen dira, eta han zikinkeri eta hosto hondarrak kentzen zaizkie. Bonbo horretan bigarren garbiketa jasotzen dute ur-zorrotadaz, eta sagarrak eskuzko aukeratzeko mahaira iristen dira.

    Aukeratutako sagarrak txikitze toberara iristsi, eta haziak lehertu gabe prentsetara sartzen dira. (Prentsa neumatikoak etekin baxukoak izan arren, kalitate handiko muztioa ateratzen dute).

  • 3. Irekite prozesua

    Prentsatan lortutako muztioa hondar-kentze biltegietara iristen da, eta ham eduki behar da 12-24 orduz. Muztioaren jalkitze edo sedimentazio natural hau "filtrazio" teknika bakarra ezango da sagardoaren prosezu osoan.

    Hemendik muztioa 9.000 eta 18.000 litro arteko kupeletara sartzen da, eta han fermentazio alkoholiko eta malolaktikoak egingo ditu, kontrolpeko tenperaturatan, leuntasunez zaindutako 2-3 hilabeteko tartean. Sagardorik onena lortzeko, muztioen arteko nahasketa egokian dago gakoa, eta lanhori egiteko belaunaldiz belaunaldi oinordetzan jaso dugun ezagutzan eta esperientzian oinarritzen gara, baita teknika eta makina berrien erabileran ere.

  • 4. Botilaratzea eta biltegiratzea

    Behin fermentazioa amaituta, eta urte berriarekin bat eginez, dastatzeko prest izango dira sagardo berriak urtarriletik aurrera.

    Sagardoa, edari naturala denez, etengabeko eboluzioan dago, eta unerik egokienean botilaratzen da bere ezauraggi onenak bermatzeko.

    Biltegian, berriz, aireztatze sistema berezia dago, tenperatura eta hezetasun egokiak ziurtatzeko eta sagardoak eboluzio egokiena izan dezan.

  • 5. Nola edan Zelaia

    Lehenengo urtearen barruan komeni da edatea sagardoa, 10-12º graduko tenperaturan, edalontzitik distantzi ertainera zerbitzatuta eta beti edalontzi mehe luzean, bere ezaugarri aromatikoak lurruntzeko. Eta gutzi eta maiz edatea gomendatzen da.

    Sagardoa bizirik dagoen produktua da, etengabeko aldaketan dago, eta ulertu eta mimatu egin behar da, gero bere onenean dastatzeko.